रोसातले फोव- नारळाच्या दुधातील पोहे

कृती

• पोहे आधी पाखडून नीट करून घ्यावेत. कारण ह्या पोह्यामध्ये कोंडा आणि भाताची साले असू शकतात.
• नंतर पोहे दोन तीन वेळा स्वच्छ धुवून घ्यावेत.
• एका चाळणीमध्ये हे पोहे ओतून थोडा वेळ तसेच ठेवावेत. चाळणीतून निथळून काढलेल्या पोह्यामध्ये थोडा पाण्याचा अंश राहू द्यावा. त्यामुळे जरा जास्त जाड असलेले हे पोहे न सुकता मऊ राहतात.
• नारळ खवून घ्यावा आणि मिक्सरमध्ये साधारण एक ते दीड कप पाणी घालून त्याचे वाटण तयार करावे.
• नंतर एका चाळणीमधून अथवा स्वच्छ कपड्यामधून वाटलेला नारळ पिळून जाडसर रस काढून घ्यावा.
• उरलेल्या चोथ्यामध्ये आणखीन एक कप पाणी घालून पुन्हा एकदा मिक्सरमध्ये फिरवून घ्यावे आणि ह्याचाही पिळून रस काढावा.
• अशाच प्रकारे आणखीन एकदा निघालेल्या चोथ्यामध्ये एक कप पाणी घालून रस काढून घ्यावा.
• चोथ्यातून दोनदा पिळून काढलेल्या ह्या पातळ रसामध्ये गूळ मिक्स करावा व मंद आंचेवर गूळ विरघळेपर्यंत शिजू द्यावा.
• गूळ विरघळला की त्यामध्ये भिजवलेले पोहे घालावे आणि दहा मिनिटे छान शिजू द्यावे.
• त्यानंतर सुरुवातीला काढलेले जाड दूध ह्या पोह्यांमध्ये हळू हळू मिक्स करावे व पोहे व्यवस्थित ढवळून घ्यावे.
• रसातल्या पोह्यांना शिजून थोडा जाङसरपणा आला की त्यामध्ये वेलची पूड आणि काजू बदामाचे काप घालावे आणि गॅस बंद करावा.