सोयरा’ज(Soyara’s)

लाजवाब चव आणि आरोग्याची हमी ह्या दोन कारणास्तव अधिकाधिक लोक येथील माफक दरातील दुपारच्या जेवणाचे  व सकाळच्या नाश्त्याचे पार्सल नेतात. दुपारच्या व्हेज जेवणामध्ये चपाती, सुकी भाजी, पातळ  भाजी, शिरा, पुलाव, आणि रायते असते. नॉन व्हेज मध्ये चिकन अथवा मटणचा मसाला किंवा सुका, बिर्याणी, रायता, आणि दोन चपात्या असतात. शिवाय चिकन, मटण, अंडा मसाला/सुका आणि दोन चपात्या असे मिनी लंचही मिळते. तर नाश्त्यामध्ये पोहे, उपमा, इडली, मिसळ पुरी, मिसळ पाव, इ. पदार्थ मिळतात. सोयरा’जचे आणखीन एक वैशिष्ट्य म्हणजे इथे असणारा संपूर्ण महिला स्टाफ! आपण एक स्त्री असल्याचे भान ठेवत सोयरा मोहितेंनी अनेक गरजू महिलांना रोजगाराची संधी मिळवून दिली. ह्या प्रत्येक स्टाफला घरच्या जेष्ठ महिलेप्रमाणे सोयराताईंचे प्रेम व आपुलकी मिळते. हाच आपलेपणा इथे येणाऱ्या प्रत्येक ग्राहकालाही मिळतो. 

तुम्ही जर अजूनपर्यंत सोयरा’जच्या लज्जतदार पदार्थांची चव चाखली नसेल तर सोयरा’जला जरूर भेट द्या. सोमवार पासून शनिवारपर्यंत  सकाळी ९ ते ५ ह्या वेळेत तुम्ही कधीही सोयरा’जला भेट देऊ शकता.